რეფლექსია

შპს N1 სკოლის ინგლისური ენის პედაგოგის ელენე კინწურაშვილის "ინფორმაციულ საკომუნიკაციო ტექნოლოგიების გამოყენება სასწავლო პროცესში"  ტრენინგის რეფლექსია

2018 წლის 26 ივნისიდანდან 10 ივლისის ჩათვლით დავესწარი ტრენინგს ისტის ტექნოლოგიების გამოყენება სასწავლო პროცესში. აღნიშნული ტრენინგი იყო ძალიან პროდუქტიული, მრავალმხრივი და ნამდვილად შეიცავდა სასარგებლო ინფორმაციას მასწავლებელთა პროფესიული წინსვლისთვის.

ტრენინგის მიმდინარეობის მანძილზე ვიმუშავეთ ისეთ ინსტუმენტებზე  როგორიც იყო Word, Power Point, Excel. გავაკეთეთ სხვადასხვა სავარჯიშოები აღნიშნულ პროგრამებში, რაც იყო ძალიან სასარგებლო და მრავლისმომცემი პირადად ჩემთვის. ასევე გავეცანით ბლოგის მუშაობის პრინციპებს, შევქმენით ბლოგი, განვათავსეთ მასზე ჩვენი პორთფოლიო და დავამატეთ სხვადასხვა საინფორმაციო ელემენტები. ვფიქრობ ტრენინგის  ეს ნაწილი იყო ძალიან საინტერესო და პროდუქტიული.

ტრენინგის მანძილზე ვიმუშავეთ შეფასების რუბრიკების შექმნაზე. ტრენერისგან მივიღეთ პრაქტიკული რჩევები და რეკომენდაციები. გავეცანით ძალიან საინტერესო პრეზენტაციებს გაკვეთილის დაგეგმვის, პრეზენტაციების ეფექტურად წარმართვის, შეფასების რუბრიკის შექმნის და სასწავლო პროექტების დაგეგმვასთან დაკავშირებით.

აღნიშნული ტრენინგის გავლის შედეგად გავეცანი ძალიან ბევრ საინტერესო ვებ გვერდს, შევქმენი ელექტრონული სასწავლო რესურსები რომლებიც დამეხმარება სწავლების პროცესის გამრავალფეროვნებასა და გაუმჯობესებაში. ასევე საგრძნობლად გაუმჯობესდა ჩემი ისტ-უნარები და რაც ყველაზე მთავარია გამიჩნდა სურვილი უფრო ღრმად ჩავეძიო და განვავრცო ჩემი ცოდნა ისტის ინსტუმენტების შესასწავლად და მათ უფრო ეფექტურად გამოსაყენებლად საგაკვეთილო პროცესში.

გაკვეთილის გეგმა

გაკვეთილის გეგმა

მასწავლებლის სახელი, გვარი, პირადი ნომერი -

 ელენე კინწურაშვილი

საგანი - ინგლისური ენა

სწავლების საფეხური/კლასი: დაწყებითი - 3 კლასი

მოსწავლეთა რაოდენობა: 6

გაკვეთილის თემა: ლონდონის ღირსშესანიშნაობები

გაკვეთილის მიზანი:

Ø მოსწავლეები აღიქმამენ და გაანალიზებენ ახალ საინფორმაციო ტექსტს

Ø ამოიცნობენ და დაიმახსოვრებენ ახალ ლექსიკურ ერთეულებს

Ø მარტივი ინერაქციით აღწერენ რა ღირსშესანიშნაობებია ლონდონში

Ø მოსწავლეებს განუვითარდებათ კრიტიკული აზროვნება ( საღი მსჯელობა და აღქმა)

N	აქტივობის აღწერა	გამოყენებული მეთოდი/მეთოდები	კლასის ორგანიზების ფორმა/ფორმები	სასწავლო რესურსი	დრო წთ
1	ორგანიზაციული საკითხეების მოგვარება მასწავლებელი ესალმება კლასს, ამოწმებს კლასში მოსწავლეთა დასწრებას. ამის შემდეგ იგი მთელ კლასს აცნობს გაკვეთილის თემას, მიზანს, აქტივობებს და შეფასების რუბრიკას. უსვამს მოსწავლეებს ვერბალური ახსნის დამაზუსტებელ შეკითხვებს.	ვერბალური ახსნა	საერთო საკლასო	ფლიპ ჩარტი	2-3 წთ
2	მასწავლებელი წინარე ცოდნის გასააქტიურებლად სვამს შეკითხვებს იმის შესახებ თუ სად მდებარეობს ლონდონი; იციან თუ არა მოსწავლეებმა საინტერესო ადგილები ლონდონში; უნახავთ თუ არა რომელიმე მათგანი. მოსწავლეები ავსებენ დაფაზე დახაზულ სქემას. LONDON Location? Famous  place? Famous place?	გონებრივი იერიში	საერთო საკლასო	დაფა, ცარცი	4-5 წთ
3	მასწავლებელი წარადგენს Power Point პრეზენტაციას ლონდონისა და მისი ღირსშესანიშნაობების შესახებ	დემონსტრირების მეთოდი	საერთო საკლასო	პროექტო რი, ლეპტოპი დანართი N 1	3-4 წთ
4	ახალი ტექსტის  კითხვა და თარგმნა მოსწავლეები ინდივიდუალურად პაუზებით კითხულობენ ახალ ტექსტს და აანალიზებენ შინაარსს.	კითხვა პაუზებით	ინდივიდუალური	სახელმძღვანელო	5-6 წთ
5.	ლექსიკურ ერთეულებზე სამუშაოდ მოსწავლეები აკეთებენ სავარჯიშოს (ჩასვით შესაფერისი სიტყვა) LearningApps-ში.	ანალიზის მეთოდი	წყვილებში მუშაობა	ლეპტოპი დანართი N2	5-6წთ
6.	ლექსიკურ ერთეულებზე სამუშაოდ მოსწავლეები ასრულებენ დავალებას  popplet.com -ზე	ანალიზის მეთოდი	წყვილებში მუშაობა	http://popplet.com/app/#/4794900 დანართი N3	4-5 წთ
7.	მოსწავლეები ავსებენ  T სქემას ტექსტის გასაანალიზებლად. ქსემის მარცხენა სვეტში შეაქვთ იმ მონაკვეთის სათაური თუ რის შესახებაა ტექსტი, ხოლო მარჯვენა სვეტში ამატებენ კომენტარს.	ანალიზის მეთოდი	ჯგუფური	ამობეჭდილი შაბლონე ბი დანართი N 4	7-8 წთ
8	მოსწავლეები ავსებენ სქემას ვიცი-მინდა ვიცოდე-ვისწავლე და შემდეგ პასუხობენ შეკითხვებს ტექსტის შესაჯამებლად	დისკუსიის მეთოდი	ინდივიდუალური	დანართი N5	6-7 წთ
9	დავალების ჩანიშვნა	ზეპირსიტყვიერი მეთოდი	საერთო საკლასო	სახელმძღვანელო	1წთ
10	მოსწავლეთა შეფასება	ზეპირსიტყვიერი მეთოდი	ინდივიდუალური	დანართი N 6	2წთ

გაკვეთილის ბოლოს მისაღები შედეგები:

უცხ.ს.III.7. მოსწავლეს შეუძლია წაიკითხოს და გაიგოს მცირე ზომის თხრობითი ტექსტი (მაგ., ადაპტირებული მოთხრობა, მოგონება, ნამდვილი ამბავი და სხვა).

შედეგი თვალსაჩინოა, თუ მოსწავლე:

·          ამოიცნობს ზოგად შინაარსს;

·          სათაურს გააზრებულად აკავშირებს ტექსტთან;

·          ამოიცნობს მთხრობელს, პერსონაჟებს, ავტორს;

·          ამოიცნობს მოქმედებათა თანამიმდევრობას;

·          ასახელებს კონკრეტულ ინფორმაციას (ვინ, სად, როგორი, როგორ, რატომ და სხვა);

·          ამოიცნობს პერსონაჟებს შორის არსებულ ურთიერთობებს;

·          ახასიათებს პერსონაჟებს ექსპლიციტურად მოცემულ ინფორმაციაზე დაყრდნობით;

·          ამოიცნობს მთხრობელის/პერსონაჟის განწყობილებებს, ემოციებს, დამოკიდებულებას.

უცხ.ს.III.16. მოსწავლეს შეუძლია ინტერაქციაში მონაწილეობა.

შედეგი თვალსაჩინოა, თუ მოსწავლე:

·          სვამს და პასუხობს კითხვებს ნაცნობ თემატიკაზე;

·          ახერხებს თანამოსაუბრეთა რეპლიკებზე რეაგირებას;

·          წინასწარი მომზადების საფუძველზე ახერხებს ამა თუ იმ საკითხთან დაკავშირებით საკუთარი დამოკიდებულების გამოხატვას და მის განმარტებას (რა მოსწონს/არ მოსწონს, რატომ);

წინასწარი მომზადების საფუძველზე აკეთებს სხვადასხვა ტიპის არჩევანს და განმარტავს მას (მაგ., რომელი მსახიობი ურჩევნია და რატომ, სად ურჩევნია წასვლა და რატომ და სხვა);

უცხ.ს.III.18. მოსწავლეს შეუძლია დამხმარე საშუალებებზე დაყრდნობით საუბარი.

შედეგი თვალსაჩინოა, თუ მოსწავლე:

·          წინასწარი მომზადების საფუძველზე მარტივი ენით საუბრობს მისთვის ნაცნობ თემებზე (თავისუფალი დრო, მოდა და სხვა);

·          წინასწარი მომზადების საფუძველზე მარტივი ენით ჰყვება თავს გადამხდარ, გაგონილ, წაკითხულ ამბავს;

·          საკვანძო სიტყვებსა და ენობრივ კონსტრუქციებზე დაყრდნობით გადმოსცემს მოსმენილი ტექსტის შინაარს.

·          მიმართავს მასწავლებელს, კლასელებს სასწავლო პროცესში წარმოქმნილ საჭიროებებთან დაკავშირებით;

·          პასუხობს წაკითხულ ტექსტთან დაკავშირებულ კითხვებს.

უცხ.ს.III.21. მოსწავლე იცნობს სამიზნე ქვეყნის/ქვეყნების კულტურულ რეალიებს.

შედეგი თვალსაჩინოა, თუ მოსწავლე:

·          ასახელებს სამიზნე ქვეყანასთან/ქვეყნებთან დაკავშირებულ გეოგრაფიულ, დემოგრაფიულ მონაცემებს, მნიშვნელოვან ისტორიულ მოვლენებს (მაგ. სამიზნე ქვეყნების დედაქალაქები, გერმანიის გაერთიანების დღე, ბასტილიის აღების დღე და სხვა);

·          ამოიცნობს ხელოვნებისა და არქიტექტურის ნიმუშებს (მაგ., ბრანდენბურგის კარიბჭე, პარიზის ღვთისმშობლის ტაძარი, ბიგ ბენი, ოსტანკინოს ანძა და სხვა);

·          ამოიცნობს ისტორიულ პირებსა და გამოჩენილ ადამიანებს (მაგ. ვოლფგანგ გოეთე, შარლ დე გოლი, დედოფალი ელისაბედ მეორე, ალექსანდრე პუშკინი), ასახელებს მათი მოღვაწეობის სფეროებს, ეპოქას, დამსახურებას;

დანართი 1

დანართი 2 https://learningapps.org/display?v=pmhi92e1v18

დანართი N 3   http://popplet.com/app/#/4794900

დანართი N 4

T  სქემა

Insert the passage	Insert your comment
1.
2.
3.
4.

დანართი  5

ვიცი	მინდა ვიცოდე	გავიგე